جمع, 23 آگسٽ 2019 - Fri 08 23 2019

منو

انگ ڍنگ، شراب جو حرام هجڻ. (قسط 3 ۽ 4)

(انگ ڍنگ، قسط 3)

أُحِلَّ لَكُمْ لَيْلَةَ الصِّيَامِ الرَّفَثُ إِلىَ‏ نِسَائكُمْ  هُنَّ لِبَاسٌ لَّكُمْ وَ أَنتُمْ لِبَاسٌ لَّهُنَّ  عَلِمَ اللَّهُ أَنَّكُمْ كُنتُمْ تخَْتَانُونَ أَنفُسَكُمْ فَتَابَ عَلَيْكُمْ وَ عَفَا عَنكُمْ  فَالَْنَ بَاشِرُوهُنَّ وَ ابْتَغُواْ مَا كَتَبَ اللَّهُ لَكُمْ  وَ كلُُواْ وَ اشْرَبُواْ حَتىَ‏ يَتَبَينَ‏َ لَكُمُ الْخَيْطُ الْأَبْيَضُ مِنَ الخَْيْطِ الْأَسْوَدِ مِنَ الْفَجْرِ  ثُمَّ أَتِمُّواْ الصِّيَامَ إِلىَ الَّيْلِ  وَ لَا تُبَاشِرُوهُنَّ وَ أَنتُمْ عَكِفُونَ فىِ الْمَسَاجِدِ  تِلْكَ حُدُودُ اللَّهِ فَلَا تَقْرَبُوهَا  كَذَالِكَ يُبَينِ‏ُّ اللَّهُ ءَايَاتِهِ لِلنَّاسِ لَعَلَّهُمْ يَتَّقُون (سورت بقره 178)

روزي وارين راتين ۾ به  پنهنجي زالن سان صحبت جي اوهان کي موڪل آهي، اهي اوهان جو انگ آهن ۽ اوهين انهن جو انگ آهيو،

الله کي خبر هئي ته اوهان پنهنجو پاڻ سان خيانت ڪندا هيو (۽ صحبت کان اوهان کي روڪيو ويو هو پر ڪڏهن ڪڏهن اهو عمل ڪندا هيو) سو (الله ) اوهان جي توبه اگهائي ۽ معاف ڪيو، هاڻي ڀلي ساڻن صحبت ڪريو ۽ جيڪي الله اوهان لاءِ لکيو آهي سو طلبيو ۽ کائو ۽ پيئو، ايتري تائين جو اوهانکي رات جو سنڌو صبح جي سنڌي کان پڌرو نظر اچي پوءِ رات تائين روز پورو ڪيو ۽ مسجدن ۾ ڏهي ڪڍڻ (اعتڪاف ڪرڻ) وقت زالن سان صحبت نه ڪريو، اهي الله جون حدون آهن سو (تن کي اورانگهڻ جي نيت سان ) ويجھو نه وڃو، اهڙيءَ ريت الله ماڻهن لاءِ پنهنجا حڪم چٽا ڪري ٿو ته هوند اهي پاڻ بچائڻ وارا ٿين.

عبرت ڀريو ويچار

زال ۽ مڙس جي ڀيٽ انگ ۽ لباس سان ڪئي ويئي آهي هر عقلمند انسان لاءِ ان مشابهت ۽ ڀيٽ ۾ ڪيترائي درس ۽ سبق لڪيل آهن جهڙوڪ:

1.انسان جي لاءِ ضروري آهي ته سندس لباس، رنگ ڍنگ، ماپ ۽ جنس ۾ ساڻس ٺهڪندڙ هجي اهڙي ريت سندس شريڪ حيات به، ساڻس مان مرتبي ۽ سوچ فڪر ۾ مناسبت رکندي هجي.

2.لباس انسان جو سينگار ۽ تسڪين آهي اهڙيءَ ريت سندس گهر واري ۽ اولاد به، سينگار ۽ تسڪين آهن

3.لباس انسان جو عيب ڍڪيندو آهي اهڙي ريت زال مڙس کي به هڪ ٻئي لاءِ ستر ۽ ڍڪ هئڻ کپي.

4.لباس انسان کي گرمي، سرديءَ کان بچائي ٿو ائين ئي گهرواري ڪٽنب کي ڏکن ڏوجرن کان بچائي ٿي.

5.لباس انسان جي عزت آهي ۽ لباس کان آجو انسان بي عزت سڏبو آهي، ائين ئي شادي ۽ گهرواريءَ کان ڀڄندڙ ماڻهو به ذليل ۽ رسوا ٿيندو.

6.سياري ۾ اوني ۽ گرم لباس جي گهرج هوندي آهي ته اونهاري ۾ سنهي ۽ نازڪ لباس جي لوڙ هوندي آ، ائين ئي زال مڙس کي به هڪٻئي جي مزاج کان واقف هئڻ گهرجي مثال طور مرد ڪاوڙيل آهي ته زال کي ماٺيڻو هئڻ گهرجي ۽ زال ٿڪل آهي ته مڙس کي ساڻس هٿ ونڊرائڻ کپي.

7.هر انسان پنهنجي لباس کي گند ڪچري کان بچائيندو آهي ائين ئي زال مڙس هڪٻئي کي، گناهن ۽ ڏوهن جي ڪِنَ ڪچري کان بچائيندا رهن.

(دقايقي با قرآن ص، 17 ،18 )

شراب جي حرام هجڻ جو ڪارڻ

يَسَْلُونَكَ عَنِ الْخَمْرِ وَ الْمَيْسِرِ  قُلْ فِيهِمَا إِثْمٌ كَبِيرٌ وَ مَنَافِعُ لِلنَّاسِ وَ إِثْمُهُمَا أَكْبرَُ مِن نَّفْعِهِمَا  وَ يَسَْلُونَكَ مَا ذَا يُنفِقُونَ قُلِ الْعَفْوَ كَذَالِكَ يُبَينِ‏ُّ اللَّهُ لَكُمُ الاَْيَاتِ لَعَلَّكُمْ تَتَفَكَّرُون (سورت بقره 219)

ترجمو: تو کان شراب ۽ جوا بابت پڇن ٿا، چئو ته ”انهن ٻنهي ۾ وڏو گناهه آهي ماڻهن لاءِ (مادي) فائدا به آهن (پر) انهن ٻنهي جي فائدن کان گناهن وڏو آهي (اهڙيءَ ريت) توکان پڇن ٿا، ڇا خيرات ڪن؟ چئو ته ”جيڪي بچت هجيوَ“ اهڙي ريت الله پنهنجي نشانين کي چٽو ڪري ٿو ته هوند اوهين فڪر ڪريو.

تفسير

”خمر“ عربي ٻوليءَ ۾ ڍَڪ کي چئبو آهي تنهن ڪري ان رئي (پوتيءَ) کي جنهن سان زائفون مٿو ڍڪينديون آهن. عربي ۾ ”خمار“ چئبو آهي اهڙيءَ ريت شراب (انگوري) به انسان کان سوچ ويچار جي سگهه کسيو ڇڏي سو عربي ۾ ان کي خمر چيو ويو آهي.

”ميسر“ ڌاتو ”يُسر“ مان ورتل آهي، ۽ يُسر سولائي کي چئبو آهي جوا ۾ به جواري هڪٻئي جي مال کي سولائي سان ڦٻائڻ جي ڪوشش ڪندا آهن سو جوا کي عربي ۾ ميسر چيو ويو آهي.

ماڻهن جو پهريون سوال جوا ۽ شراب جي باري ۾ آهي.

مذڪوره آيت ۾ ربّ پاڪ بيان ڪيو آهي ته : شراب واپرائڻ ۽ جوا کيڏڻ وڏو گناهه آهي توڙي جو ڪي ظاهري فائدا به اٿس، جهڙوڪ، ماڻهو شراب ٺاهڻ ۽ وڪڻڻ وسيلي ڪجھ پئسا هٿ ڪن ٿا، ائين ئي جوا خانن ۽ تنبيلن (جوارن جا ٿاڪ) وسيلي به ڪي ڪجهه حاصل ڪن ٿا ليڪن تحقيق ۽ ريسرچ سان اها ڳالهه ثابت ٿئي آهي ته شراب ۽ جوا جا ڪيترائي هاڃيڪار اثر آهن.

اسان هت تفسير نمونه مان، شراب ۽ جوا جي ڄاڻايل هاڃيڪار اثرن جي فهرست ذڪر ڪريون ٿا:

1.عمر جي ٿوري هجڻ جو ڪارڻ آهي.

2.ٻارن تي ان جا غلط اثر پون ٿا مخصوصاً جيڪڏهن شراب جي مستيءَ واري حالت ۾ صحبت ڪئي ويئي هجي.

3.اخلاقياتي فسادن جو ڪارڻ.

4.ڏوهن ۽ جُرمَن جي واڌ جو سبب جهڙوڪ، مارڪٽ، سيڪسيوئل جرم ۽ ايڪسيڊنٽ وغيره ايستائين جو ڪنهن ڏاهي جو چوڻ آهي ته جيڪڏهن حڪومت اڌ شراب خانه بند ڪرائي ته اسان اڌ اسپتالن جي بند ٿيڻ جي ضمانت ڏيون ٿا.

5.نفسياتي امراض، دل ۽ دماغ جا دورا، بلڊ پريشر جو وڌڻ، بک جو نه لڳڻ ايستائين جو انگن اکرن مان خبر پوي ٿي ته ٽيهه فيصد ڏوهاري جواري آهن.

6.جوا اقتصادي واڌ ويجهه لا۽ نهايت درجي هاڃيڪار آهي صحتمند سماج لاءِ موذي مرض آهي، ايستائين جو ڪن غير اسلامي ملڪن ۾ به ڪي سال جوا تي بندش لڳي جهڙوڪ: انگليڊ ۾ سال 1853ع ۾ روس ۾ 1854ع ۽ جرمني ۾ 1873ع ۾ جوا جي بندش جو اعلان ڪيو ويو.

(دقايقي با قرآن ص 19، 20 )

اسان مفيد راين جا منتظر آهيون.

0
تي پابند آهيان.
  • بغير راءِ جي