ڇنڇر, 07 ڊسمبر 2019 - Sat 12 07 2019

منو

ڀلاري امت (قسط 8)

كُنتُمْ خَيرَْ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَ تَنْهَوْنَ عَنِ الْمُنكَرِ وَ تُؤْمِنُونَ بِاللَّهِ  وَ لَوْ ءَامَنَ أَهْلُ الْكِتَابِ لَكاَنَ خَيرًْا لَّهُم  مِّنْهُمُ الْمُؤْمِنُونَ وَ أَكْثرَُهُمُ الْفَاسِقُون *(آل عمران 110)

ترجمو: اوهين ڀلاري امت آهيو، جو ماڻهن لاءِ بنايا ويا آهيو، ڀلاين جو حڪم ڏيو ٿا ۽ بڇڙاين کان روڪيو ٿا ۽ الله تي ويساهه رکو ٿا ۽ جيڪڏهن اهل ڪتاب به ايمان آڻن ها ته پڪ ساڻ انهن لاءِ چڱي ڳالهه هئي، انهن مان ڪي مؤمن آهن ۽ گهڻائي منجهائن نافرمانن جي آهي.

تفسير:مذڪوره آيت ۾ امر بالمعروف (چڱائي جو حڪم ڏيڻ) ۽ نهي عن المنڪر (بڇڙاين کان روڪڻ) جي عام رواجي درجي کي بيان ڪيو ويو آهي، آيت ۾ ويچار ڪرڻ سان هيٺيون ڳالهيون سمجهه ۾ اچن ٿيون.

vڀلاري امت هجڻ جو اعزاز ٺهلن نعرن سان پلئه ڪونه پوندو، بلڪه ان لاءِ ڀلاين جو حڪم ڪرڻ ۽ بڇڙاين کان روڪڻ ۽ ربّ تي ايمان آڻن لازمي آهي.كُنتُمْ خَيرَْ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَ تَنْهَوْنَ عَنِ الْمُنكَرِ وَ تُؤْمِنُونَ بِاللَّهِ  وَ لَوْ ءَامَنَ أَهْلُ الْكِتَابِ لَكاَنَ خَيرًْا لَّهُم  مِّنْهُمُ الْمُؤْمِنُونَ وَ أَكْثرَُهُمُ الْفَاسِقُون *

vماٺ ۽ ڊڄڻي امت، ڪڏهن به ڀلاري امت نٿي ٿي سگهي.

vامر بالمعروف ۽ نهي عن المنڪر ايڏي عظمت واريون شئيون آهن، جو امتن جي فضيلت جو ميزان، قرآن انهن کي قرار ڏنو آهي. (كُنتُمْ خَيرَْ أُمَّةٍ)

vامر بالمعروف ۽ نهي عن المنڪر تڏهن ئي مسلمانن ۾ اجاگر ٿيندا، جڏهن سڀئي مسلمان هڪ امت بڻجي پون ۽ حاڪميت سندن هٿن ۾ هجي. (كُنتُمْ خَيرَْ أُمَّةٍ)

vمسلمانن تي هڙني قومن جي سڌاري جي ذميداري آهي. (اخرجت للناس)

vرڳو ڀلاين جو حڪم ڏجي ۽ براين کان نه روڪجي ته ان جو ڪوبه فائدو نه آهي. (تَأْمُرُونَ بِالْمَعْرُوفِ وَ تَنْهَوْنَ عَنِ الْمُنكَرِ)

vامت جي هر هڪ فرد تي امر بالمعروف ۽ نهي عن المنڪر واجب آهي، ٻين لفظن ۾ چئجي ته: هڪ 9 سالن جي ڇوڪري ملڪ جي صدر کي به امر باالمعروف ۽ نهي عن المنڪر ڪري سگهي ٿي. (تَأْمُرُونَ بِالْمَعْرُوفِ وَ تَنْهَوْنَ عَنِ الْمُنكَرِ)

vامر باالمعروف ۾، عُمر، علائقي، قوم، عِلميت، سماجي ۽ اقتصادي حثيت جو فرق ڪونهي.كُنتُمْ خَيرَْ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَ تَنْهَوْنَ عَنِ الْمُنكَرِ وَ تُؤْمِنُونَ بِاللَّهِ  وَ لَوْ ءَامَنَ أَهْلُ الْكِتَابِ لَكاَنَ خَيرًْا لَّهُم  مِّنْهُمُ الْمُؤْمِنُونَ وَ أَكْثرَُهُمُ الْفَاسِقُون*

vمسلمانن کي مڙسي سان امر باالمعروف ۽ نهي عن المنڪر ڪرڻ کپي، نه ڪي لاچار ۽ ويچار بڻجي. (تَأْمُرُونَ)

vپهريان چڱاين جو حڪم پوءِ براين کان روڪڻ. (تَأْمُرُونَ بِالْمَعْرُوفِ وَ تَنْهَوْنَ عَنِ الْمُنكَرِ)

vچڱاين جو حڪم ڪرڻ ۽ براين کان روڪڻ جو فائدو تڏهن ئي آهي جڏهن انهن شيئن ايمان کان جنم ورتو هجي. (تَأْمُرُونَ بِالْمَعْرُوفِ وَ تَنْهَوْنَ عَنِ الْمُنكَرِ).

دقايقي با قرآن 26، 27.

اسان مفيد راين جا منتظر آهيون.

0
تي پابند آهيان.
  • بغير راءِ جي